Jeiko porãve rekávo (purahéi)

Ñe'epoty ha pumbasy:
Adrián Barreto

Ohóje tetã ambuépe
jeiko porãve rekávo,
pyharevete ohasávo
roñe'e mi ipahaite.

Aipojopývo ichupe
tesay okukúi heságui,
ha oje'óivo che rendágui
ho'a pytu che rehe.

Oremitãmi guive
rokakuaa ojuapytépe,
vy'a, saraki, pukápe
pynandimírõ jepe.

Ramoiténte upehague
naimo'ãi chemandu'ávo,
aipo ha'e orerejávo
ha ohóvo mombyryete.

Jeiko porãve rekávo
Paraguáipe ndaikatúigui,
os?va guive cuartélgui
mitã katupyryeta
tetã ambuére ohopa,
ko' vére ijetu'úgui
ha itúa pópe ohechágui
kerayvoty ipirupa.

Mayma ikakuaa irungue
chupe rohechaga'úva,
ha hese roporandúva
akói py'inte ojoupe.

Ndoroikuaái mavave
mba'épa oiko hekovégui,
mamópa tekotev?gui
oho ha opyta ha'e.

Hepypa opaite mba'e
ha ipohyive jahavére,
ñamba'apóva kokuérepe
nahembyvéi mba'eve.

Kueráigui as?ta che ave
aharei pe yvytúre,
ko'ápe mbegue katúpe
che opívota katuete.